雪窦寺的来历

    离雪窦寺西北十里，有座相量岗，号称雪窦第二峰；相量岗上有两块大岩硼，有一丈多高，悬悬宕宕的立勒岩壁下头，这两块石顶上架勒块六尺长石条，叫仙人桥。为啥这山就叫“相量岗”，这桥又叫“仙人桥”?就为有三个和尚坐勒桥上相量过造雪窦寺格事件。 
　　那时，雪窦山周围并没一个庵堂寺院，有一日，相量岗上来了三个和尚，师父叫智能，两个徒弟叫静空、日空。十三和尚心里明白，浙东有块宝地，藏龙卧虎，就一路寻来。来到山岗石桥处，看到脚下祥云盘旋；远处又有三条大江汇集，流向东海，就一屁股坐落相量。智能先开口：“阿拉走了九百九十九日，超过九百九十九山头，到过嵩山少林，东岳泰山，杭州灵隐，南海普陀，宁波灵峰，还是比勿过这里。侬看，这里前有天台山，活脱脱就是七十二朵金芙蓉供在前头，后有四明山，绿郁郁当作三十六颗碧莲花遮在后头，左首有座婆罗峰守候。右边是个菩提弯服侍，在这里造个寺庙，非但香火必旺，也能为我佛增光；两位徒儿以为如何：“俩徒弟一听，心里是清清楚楚明明白白，可借俩徒弟各人自念一本经；师父讲了一白篮五斗，他俩还是闷声勿响。介末智能愈加打听要定主意，打算落脚。
　　当日，智能就在雪窦山腰的千丈岩顶端一块平地上，搭起个茅棚，取名“瀑布院”，这就是现在格雪窦寺。
俩徒弟亲眼目睹，看师父在宝地落脚，心里交关气勿过，其实，这两个和尚翼梢股已硬，早想各自造窝，另立门头。大徒弟静空就来勒瀑布院后首，搭起个芽庵叫“上雪寺”，想切断师父风水龙脉。智能老早看透静空来勒做鬼戏文，就随手举起禅杖，朝后一捅，捅出条九曲十八弯，该水碧绿，后人叫作“十八夸”。但为仔智能力道太大，锡杖脱手飞向西北，勿见去向，智能就叫二徒弟日空去追寻。日空迫勒三日三夜，结刹来勒化龙庄后山坳寻着锡杖。心里勿想拨师父当差，就在宝杖着地处搭个芽棚，叫“杖锡寺”。
　　想勿到雪窦寺后面拨智能锡杖一捅，反捅出个金龙戏珠，风水更好，雪窦寺香火兴旺，代代扩展，到了宋朝；便成“天下禅宗十刹”中的一个了，当真成了江南名刹。这辰光寺院占地一千三百亩，啥格佛殿斋宫、钟楼经阁、禅房藏室；足足有千把间。一口大锅，顶得过乡下一间小屋。特别是大雄宝殿，高大雄壮；四大金刚，塑得跟活格一样。溪口人讲，蒋介石后来坐天下，着实是沾了雪窦寺风水宝地格便宜来!

讲述者：李明华　男　干部
整理者：印运华